Skip to main content

என் அம்மா...


இன்றைய
விடியலின் முகத்தை
உன் முகமாக்கினாய்
உயிரை பிரித்து
உடலை இங்கிருத்தி விட்டு


நீ விட்டுச்சென்ற வாழ்க்கையில்
உன் பதவியின் கனம் 
எனதாகிப்போனது   
என் பின் பிறந்தோர்க்கு

நீ இருந்த பொழுதுகளில்,

சன்னல் தொட்ட காற்றை
திரைசீலையுடன் மட்டுமே
பேசச் செய்தாய்

எண்ணெயிடாத என் தலைமுடியை
பூவைத்து பின்னலிட்டு
இறுக்கினாய்

ஜார்ஜெட் தாவணிக்கு கூட
கஞ்சி போட்டு
என் இடுப்பில் சொருகினாய்

அம்மா,
நீ இட்டவை 
இலட்சுமண கோடுகள்தான்

சில அத்துமீறல்களுடன்
தாண்ட முயற்சித்து
வென்றும் தோற்றும்
பயணப்பட்டிருக்கிறேன்

பிள்ளைகள் பெரிதானால்
பின்னலிடாமல் கொண்டையிடும்  
உன்னைப் போல்
நான் இல்லைதான்...

இருந்தும்,
அன்பில்
நான்  
உன்னை போலவே
என்றும் இருக்க
வேண்டியிருக்கிறேன்.....




Labels:

Comments

  1. Unknown8 March 2014 at 17:23

    #பின்னலிடாமல் கொண்டையிடும்
    உன்னைப் போல்
    நான் இல்லைதான்...#
    கோலம் மாறலாம் ,காலம் மாறலாம் ,கொண்ட தாய் அன்பு குறையவே குறையாது !

    ReplyDelete
    Replies
    1. Ahila12 March 2014 at 17:13

      உண்மைதான்...நன்றி நண்பா...

      Delete
  2. அம்பாளடியாள் 8 March 2014 at 17:52

    சிறப்பான நற் சிந்தனைகள் அடங்கிய முத்தான கவிதைக்கும்
    உங்களுக்கும் என் இனிய மகளீர் தின வாழ்த்துக்கள் தோழி .

    ReplyDelete
    Replies
    1. Ahila12 March 2014 at 17:13

      உங்களுக்கும் என் வாழ்த்துகள்...நன்றி...

      Delete
  3. சுந்தரா8 March 2014 at 18:22

    அம்மாவின் நினைவை அழகாகச் சொல்லியிருக்கீங்க.

    அம்மாவின் அன்புக்கு எதுவும் ஈடில்லை.

    ReplyDelete
    Replies
    1. Ahila12 March 2014 at 17:14

      எத்தனை ஆண்டுகள் கடந்தாலும் அம்மா என்பவள் ஒரு பெண் பிள்ளையின் தெய்வம் தான்.

      Delete
  4. திண்டுக்கல் தனபாலன்8 March 2014 at 19:42

    சிறப்பிற்கு மேலும் சிறப்பு... வாழ்த்துக்கள் சகோதரி....

    ReplyDelete
    Replies
    1. Ahila12 March 2014 at 17:15

      நன்றி தனபாலன்...

      Delete
  5. தி.தமிழ் இளங்கோ8 March 2014 at 21:35

    சகோதரி அவர்களுக்கு உலக மகளிர் தின வாழ்த்துக்கள்.!

    ReplyDelete
    Replies
    1. Ahila12 March 2014 at 17:15

      உங்களின் வாழ்த்துக்கு நன்றி...

      Delete
  6. Yaathoramani.blogspot.com9 March 2014 at 06:45

    என் தாயை நினைத்து சில கணங்கள்
    மெய்மறக்கச் செய்த கவிதை
    பகிர்வுக்கும் தொடரவும் மனமார்ந்த நல்வாழ்த்துக்கள்

    ReplyDelete
    Replies
    1. Ahila12 March 2014 at 17:17

      தாயின் நினைவுகள் என்றுமே அழியாதவை....நன்றி அய்யா...

      Delete
  7. Unknown9 March 2014 at 14:11

    அம்மா நீ மழையாய் பெய்த பாசம் நீ சென்ற பிறகு என்னுள் சிறு துளியாய் உருண்டு அதே பாசத்தின் சாராம்சத்தோடு என்கண்களில் அந்த கண்ணீரில் நான் நனைந்து என்னில் உன்னை பாகிறேன் ...வரிகள் அருமை ..

    ReplyDelete

Post a Comment

உங்க கருத்தை சொல்லலாம்.....

Popular posts from this blog

முதியோர் இல்லங்கள்...

ஒரு வரப்பிரசாதம்  முதியோருக்காக தனியாக வீடுகள் கட்டி கொடுப்பதைப் பற்றிய ஒரு விளம்பரம் பார்த்தேன். பணம் பார்க்கும் வேலைதான் என்றாலும் முதியோர் இல்லங்கள் சமுதாயத்திற்கு தேவைதான். அவசியமும் கூடத்தான். வயதான காலத்தில் குழந்தைகள் இல்லாத, இருந்தும் இல்லாத, துணையை இழந்து தனித்து விடப்பட்டவர்கள் எங்குதான் போவார்கள் என்பதை நாம் யோசித்து பார்க்கவேண்டும்.நகை திருடர்களும் கொலையாளிகளுமாக தனியே இருக்கும் வயதானவர்களை குறி வைக்கும் காலகட்டத்தில் முதியோர் இல்லம் என்பது ஒரு தவறான விஷயமே இல்லை. நாம் நம் மனநிலையை சற்று அதற்கு தயார்ப்படுத்திக் கொள்வதில் தவறில்லை என்பது என் கருத்து. இல்லம் பற்றிய கண்ணோட்டம் எனக்கு தெரிந்த நான் அடிக்கடி செல்லும் இல்லத்தில் வயதில் முதிர்ந்தவர்கள் காலையில் மெதுவாக எழுந்து காப்பி குடித்து குளித்து உணவு அருந்தி பேப்பர் படித்து வாக்கிங் போய் நிதானமான வாழ்க்கை வாழ்வதை பார்க்கும் போது தினசரி திட்டுகளில் இருந்து தப்பித்து மனதுக்குள் துன்பங்கள் இருந்தாலும் நிறைவுடன் இருப்பதாகவே எனக்கு தோணும். வெளியே இருந்து பார்க்கும் நம்மை விட  முதியோர் இல்...
33 comments
Read more

சுந்தர ராமசாமியின் படைப்புலகம்

கோவை இலக்கிய சந்திப்பும் சுந்தர ராமசாமியும்.. கோவை இலக்கிய வட்டம்  கோவை இலக்கிய வட்டம் என்பது கோவை மாவட்டத்தின் மிகச் சிறந்த கவிஞர்களையும் எழுத்தாளர்களையும் உள்ளடக்கியது. மிகச் சாதாரண கவிஞனையும் படைப்பாளியாய் அவனுடைய நூலை உலகுக்கு அறிமுகம் செய்து பிரபலப்படுத்தும் சாதனை கொண்டது. நூல் அறிமுகங்கள், படைப்பாளிகள் அறிமுகம், அறிமுக உரைகள், கருத்தரங்குகள் என்று பல்வேறு தளத்தில் இயங்கி வருகிறது.  70களிலும் 80களிலும் புதுக்கவிதைகள் கொண்டு தொழிற்புரட்சி செய்த வானம்பாடி கவிஞர்களான கோவை ஞானி, அக்னிபுத்திரன், நித்திலன், அறிவன், ரவீந்திரன் போன்ற இன்னும் பல மூத்த கவிஞர்களையும் நாஞ்சில் நாடன்,  இளஞ்சேரல், க வை பழனிசாமி, சு வேணுகோபால், சி ஆர் ரவீந்திரன் போன்ற  எழுத்தாளர்களையும் உள்ளடக்கியது.  பல வருடங்களாக கோவை இலக்கிய வட்டத்தின் சந்திப்புகள் கோவை டவுன்ஹாலில் மரக்கடையில் உள்ள நரசிம்மலு நாயுடு பள்ளியிலும் சிபி IAS அகாடமியிலும் சில தாமஸ் கிளப்லேயும் நடைபெற்று வந்துள்ளன. தற்சமயம் ஆர் எஸ் புரத்தில் உள்ள சப்னா புக் ஹவுஸில் வைத்து நடைபெறுகிறது.  ஒவ்வொரு மாதமும...
4 comments
Read more

சீமாட்டி சிறுகதைகள் | அகிலா | உரை

  சீமாட்டி | அகிலா  Click to buy the Book புத்தகம் வாங்க புத்தகம் : சீமாட்டி (சிறுகதைகள்)  ஆசிரியர் : அகிலா  உரை :  பொள்ளாச்சி அபி   என் சிறுகதை தொகுப்பு 'சீமாட்டி'  கதைகளுக்குள் நுழைந்து பெண்ணின் அவதாரங்களை சரிவர புரிந்து எழுதப்பட்ட ஒன்றுதான் எழுத்தாளர் பொள்ளாச்சி அபி அவர்களின் இந்த உரை. நன்றி  சீமாட்டி | உரை  ஆண்டாண்டு காலமாய் ஆணாதிக்கத்தின் பிடியில், ஆண்களால் வடிவமைக்கப்பட்ட ஆட்சியதிகாரத்தின் பிடியில், அந்த அரசியல் சட்டங்களின் பிடியில், அல்லலுறும் அபலைகளின் வாழ்வை இதுவரை எத்தனையோ எழுத்தாளர்கள் எழுதி வந்திருக்கிறார்கள். இன்னும் அதை எழுதவேண்டிய தேவையும் இருந்துகொண்டே இருக்கிறது. அந்த வரிசையில் எழுத்தாளர் அகிலாவும் தொடர்ந்து பயணித்து வருகிறார். எழுத்தாளரான அவர் மனநல ஆலோசகராகவும் இருப்பதால் அவரது எழுத்துக்களில் அது கட்டுரைகளோ, கதைகளோ, பெண்களின் பிரச்சினைகளைப் பேசுவதில், அவர்களின் எண்ணவோட்டங்களை அறிவதில், வாசகர்களை அறிந்து கொள்ளச் செய்வதில் கூடுதலான அக்கறையும், கவனமும்,துல்லியமும் வெளிப்படுகிறது. இதற்கு முன் தோழர் அகிலாவின் படைப்புகளாக வெளிவந்த...
Post a Comment
Read more