தூரந்தோ எக்ஸ்பிரஸ்.....

உள்ளே வெளியே....

கார்போரெட் பேச்சுகளும்
தமிழை தொலைத்த
ஆங்கில சொற்களும்
செல்லின் சினுங்கல்களும்
லேப்டாப்பில் அலுவலும்
தோழமையில் போலிதனங்களும்
சத்தமான சிரிப்புகளும்
சில சமயங்களில் மௌனங்களும்
அமுல் பட்டரும் சூப் ஸ்டிக்குகளும்
ரயிலின் உள்ளே.....

இணையாய் ஓடும் ரயில்கோடுகளும்
நம்மை கடக்கும் புகைவண்டி நிலையங்களும்
மொட்டை பனைமரங்களும்
சின்ன சின்ன வீடுகளும்
சிவப்பாய் ஒரு சூரியனும்
நம் காயங்களுக்கெல்லாம் கட்டு போடும்
வெளிச்சமாய் ஒரு வானமும்
ரயிலின் வெளியே.....

நான் உள்ளே
என் மனம் வெளியே.....