பறப்பதை பிரயத்தனப்பட்டு செய்கிறது அந்த காக்கை..

பறப்பதை பிரயத்தனப்பட்டு செய்கிறது

அந்த காக்கை.

மெதுவே மேலேழும்பி 

பருந்தாய் சிறகு நீட்டி பறக்கிறது.

காற்றின் சுழலில் சிக்கி

தடுமாற்றத்தில் மண் புகாமலிருக்க

சிறகடிக்க கற்றுக் கொள்கிறது.

அசைவின் போதே கூட்டின் தொலைவு

அயர்ச்சியை உண்டாக்குகிறது.

காற்று சற்று கண்ணயரும் நேரம்

கடுகாகிறது அது.

நெருங்கிய மரத்தின்

உச்சிக் கொம்பில் அமர்ந்து

உரக்க அழைக்கிறது உறவுகளை 

பறப்பது பெரிய விந்தையல்ல

என்பதாய்..