திறவுகோல்...

காயப்படுத்திய உன்னின் வார்த்தை அம்புகள்

ஒதுங்கின பெண்ணின் இதயக் கூட்டுக்குள்  

திறந்துவிடும் சாவியை தொலைத்து

வழிநெடுக தேடுகிறாய்...

   

கையில் கிட்டிய கொட்டைகளை

அடிமரத்தின் பொந்தொன்றில் ஒளித்து வைத்து

பின் அடிமரம் தேடும் அணிலை போல...

மனதில் உறுத்தியதை வருட  

மௌனத்தையே காற்றாக்கி

விலகலின் வஸ்திரம் கொண்டு

திறக்காதிருக்கிறேன் இன்னும்

திறவுகோலை தேடியெடுத்து வருவாயென்று...