சின்னதாய்....

இப்போவே பள்ளிக்கூடத்துக்கு

குச்சியிலே கூடு கட்டி 

இலையிலே பாய்மரம் பறக்கவிட்டு 

அப்படியே துடுப்பு பாய்ச்சி 

பிறக்கிறதுக்கு முன்னாலேயே 

பறக்கவிட்டாளே எங்கம்மா, 

பிரசவத்திற்கு முன்னமே 

பள்ளிக்கூடத்தில சீட் போட்டுவச்சாப்பில...

~~~~~~~~~~~~*~~~~~~~~~~~

தாஜ்மஹால் 

வருடங்களாய் மனதில் உறுத்திய 

உன் காதலை மறக்க நினைத்து 

நிறைய போலிகளை தயாரித்து 

மேலும் மேலுமாக அடுக்கி 

விழாமல் இருக்க 

தாங்கும் தூண்களும் கொடுத்து 

அப்படியும் 

உன் நினைவுகளை மட்டுமே 

தாங்கிக் கொண்டிருக்கும் 

தாஜ்மஹாலாய் நான்....